CHORAZANA

CHOrAZANA

Regnum olim peculiare, nunc provinc. Persiae, ubi olim Bactra, Parthi, Sogdiani. Postquam enim

Impetium Tartaticum instauravit Timur-lenk, vulgo Tamerlanes, post obitum eius, intestinis filiorum dissidiis id multum diminutum est: quorum tamen natu maximus Scha-Rogu: in Turkestana, Schagadaia, Mavaranaharia, Persia, Gasna et Indostana, late reguavit. Inter huius successores variis rerum vicibus obortis, Regnum eius in duo Regna, Chorazan et Mawaranachar, divisum est A. C. 1451. quae iterum coniuncta A. C. 1452. post obitum Regis Abunaid, denuo dissilierunt, A. C. 1470. Sequenti tempore, Rex Chorazanae Schabekus seu Subakanus, Usbekanum Imperium condidit an instauravit: quod hodie complectitur, quidquid inter Persiam, Indiam, Chinam et Cathaiam tertatum iacet. Sed Ismael Sophi Persarum Rex, gravissimô contra eum susceptô bellô, eum totâ Chorazanâ pepulit: a quo tempore, inter Usbecanos et Persas, odium internecinum et hinc perpetua discordiarum seges est. Vide Georg. Hornium Orb. Imper.